ბოლო წლებია მსოფლიოში ერთ-ერთი ყველაზე აქტუალური საკითხია - კრიპტოვალუტა

საქართველოში კრიპტოვალუტის შესახებ ცალკე კანონი ჯერ არ არსებობს, მხოლოდ ფინანსთა მინისტრის საჯარო გადაწყვეტილებით არის დადგენილი რა არის კრიპტოაქტივები და მათთან დაკავშირებული საგადასახადო შედეგები:

კრიპტოაქტივი წარმოადგენს ღირებულების ციფრულ გამოხატულებას, მისი გამოშვება და გაცვლა ხორციელდება ზედამხედველი ორგანოს გარეშე, ხოლო მასზე საკუთრების უფლება დასტურდება კრიპტოგრაფიული მეთოდებით.

•  ფიზიკური პირის მიერ კრიპტოაქტივის მიწოდებით მიღებული შემოსავალი გათავისუფლებულია საშემოსავლო გადასახადისგან.
  
• კრიპტოაქტივის მიწოდება (კრიპტოაქტივის გაცვლა ეროვნულ ან უცხოურ ვალუტაზე) გათავისუფლებულია დღგ-სგან.
  

 საქართველოში კრიპტოვალუტის მაინინგზე შეზღუდვა არ არსებობს, მაგრამ მნიშვნელოვანია მაინინგთან დაკავშირებით გაითვალისწინოთ შემდეგი რეკომენდაციები:

• ნებისმიერი პირი, რომელიც აპირებს კრიპტოვალუტის მაინინგს საქართველოში, უნდა დარეგისტრირდეს როგორც ინდივიდუალური მეწარმე ან უნდა დაარსოს საწარმო.
• საყოფაცხოვრებო მომხმარებელმა არ უნდა გამოიყენოს ელექტროენერგიის რეგულარული ტარიფი ბიზნესის წარმოებისთვის, რაც ამ შემთხვევაში არის კრიპტო მაინინგი, და უნდა ისარგებლოს კომერციული სარგებლობის ტარიფით.